Футболдан «Астана» командасының Чемпиондар лигасындағы қарсыластары белгілі болды

20 маусым күні футболдан Чемпиондар лигасы мен Еуропа лигасының іріктеу сынының бірінші және екінші кезеңдерінің жеребесі тартылады. Ел чемпионы «Астана» клубы Чемпиондар лигасын екінші іріктеу кезеңінен бастайды. «Астана» командасының Чемпиондар лигасындағы қарсыластары белгілі болды. Олар: «Ф91 Дюделанж» (Люксембург); «Жальгирис» (Вильнюс, Литва); «Хапоэль» (Беэр-Шева, Израиль); «Олимпия» (Любляна, Словения); «Вардар» (Скопье, Македония); «Норрчёпинг» (Швеция); «Ференцварош» (Венгрия); «Крусейдерс» (Солтүстік Ирландия); «Зриньски» (Мостар, Босния және Герцеговина); «Дандолк» (Ирландия); «Младост» (Подгорица, Черногория); СИК (Сейняйоки, Финляндия); ТНС* (Уэльс); «Валлетта»* (Мальта); «Флора» (Таллин, Эстония) «ФК Санта Колома»* (Андорра); «Б36»* (Торсхавн, Фарер аралдары); «Линкольн»* (Гибралтар); «Алашкерт»* (Армения); «Тре Пенне»* (Сан-Марино); «Лиепая»* (Латвия); «Фероникели»* (Косово); * - бірінші іріктеу кезеңінде бақ сынайтын командалар. 2-ші іріктеу кезеңінің ойындары 12/13 шілде күндері өтеді, қарымта кездесулер 19/20 шілдеге белгіленген. Егер «Астана» клубы 2-ші кезеңнен өтсе, үшінші кезеңде мына командалармен жолығуы мүмкін: «Олимпиакос» (Грекия); «Виктория» (Плзень, Чехия); «Зальцбург» (Австрия); «Селтик» (Шотландия); АПОЭЛ (Кипр); БАТЭ (Беларусь); «Легия» (Польша); «Динамо» (Загреб, Хорватия); «Лудогорец» (Болгария); «Копенгаген» (Дания).