Ертең «Қазмедиа орталығында» «Қазақстан» РТРК футболдан Еуропа чемпионатын көрсетуге байланысты брифинг өткізіледі

27 мамыр күні сағат 10.00-де «Қазмедиа орталығындағы» 15-қабатта «Қазақстан» республикалық телерадиокорпорациясының футболдан Еуропа чемпионатын (UEFAEURO 2016) көрсетуге байланысты брифинг өткізіледі. Баспасөз мәслихатына Нұржан Мұхамеджанова – «Қазақстан» РТРК» АҚ Басқарма төрайымы, Павел Цыбулин – «Kazsport» телеарнасының директоры, Махат Садық – «Қазақстан» РТРК» АҚ Радиохабар тарату дирекциясының бас директоры – Қазақ радиосының директоры, Данияр Нұрғазин – Басқарма төрағасының орынбасары қатысады. БАҚ өкілдерін аккредитациялау үшін 26.05.2016ж. сағат 20:00-ге дейін аты-жөні мен байланыс телефондары көрсетілген ақпаратты madina_azim@mail.ru адресіне жіберулеріңізді сұраймыз. Байланыс телефоны: 8 (7172) 55 38 25; Айта кетейік, футболдан Еуропа чемпионаты 10 маусым және 10 шілде аралығында Францияның 10 қаласында өтеді. Еуропа чемпионатын «Қазақстан» Ұлттық телеарнасы мен «Kazsport» телеарнасы тікелей эфирде көрсетеді.