Футболдан Қазақстан жасөспірімдер құрамасы халықаралық турнирдегі екінші ойында жеңіске жетті

Тараз қаласында 1999 жылғы футболшылар арасында өтіп жатқан КСРО спорт шебері Антон Рохусович Шохты еске алуға арналған VIII халықаралық турнирде 2000 жылғы футболшылардан құралған Қазақстан жасөспірімдер құрамасы екінші ойынын өткізді. Аға жаттықтырушы Александр Кузнецов шәкірттерінің бұл жолғы қарсыласы ресейлік «Ротор» командасы болды. Қазақстандық футболшылар ойынның басында жылдам екі гол соқты. Денис Красноперов пен Арман Кеңесов екі минуттың ішінде мергендік танытты. Ал, екінші таймда алаңға шыққан Виктор Грабко кездесуге нүкте қойды. Қорытынды есеп - 3:0. «Ротор», Волгоград – Қазақстан U17 – 0:3 (0:2)