Лондондық «Челси» италиялық Антонио Контемен үш жылдық келісімшарт жасасты

Ағылшындық «Челси» клубы жазда командаға бапкер болып Антонио Конте келетінін ресми түрде жариялады. Италиялық маман лондондық командамен үш жылдық келісімшарт жасасқан. Қазіргі таңда ол футболдан Италия Ұлттық құрамасын баптайды. Алайда, А.Конте командамен Еуро-2016 турнирі аяқталғаннан кейін қош айтысады. Айта кетейік, Антонио Конте «Челсиге» келген 5-ші италиялық маман. Бұған дейін клубты Джанлука Виалли, Клаудио Раньери, Карло Анчелотти және Роберто Ди Маттео баптаған еді. Бас бапкер ретінде Конте «Бари» командасымен Италия чемпионатының Б сериясында бір рет, ал «Ювентуспен» А сериясында үш рет жеңіске жеткен. Сонымен қатар, туриндік командамен Италия Суперкубогын екі рет иеленген.