Футболдан Қазақстан Ұлттық құрамасы сырт алаңда Грузия командасымен 1:1 есебімен тең ойнады

Грузияның Тбилиси қаласындағы «Динамо-Арена» стадионында Қазақстан Ұлттық құрамасы алаң иелерімен жолдастық кездесу өткізіп, 1:1 есебімен тең ойнады. Ойынның 35-минутында Азат Нұрғалиев гол салып Қазақстан құрамасын алға шығарса, араға 3 минут салып Грузия құрамасы есепті теңестіріп кетті. Матч соңына дейін 1:1 есебі сақталып қалды. Қазақстан Ұлттық құрамасы биылғы маусымдағы екінші ойынын өткізді. Алғашқы ойынын 26 наурыз күні Анталияда Әзірбайжан құрамасымен өткізіп, 1:0 есебімен жеңіске жеткен еді. Грузия — Қазақстан 1:1 (1:1) Голдар: Нұрғалиев 35 (0:1), Окриашвили 38 (1:1) Грузия: Ревишвили, Лобжанидзе, Кашия, Амисулашвили, Наваловски, Канкава, Абурджания, Казаишвили, Окриашвили, Ананидзу, Чантурия Алаңға шыққан ойыншылар: Квирквелия, Квилитая, Качарава, Кения, Квеквескири, Вацадзе Қазақстан: Лория, Бейсебеков, Логвиненко, Щеткин, Нұрғалиев, Малый, Шомко, Қуат, Мұжықов, Смақов, Сүйімбаев Алаңға шыққан ойыншылар: Плотников, Хижниченко, Қонысбаев, Байжанов, Исламхан, Тағыберген Бас төреші: Клейтон Писани (Мальта) 29 наурыз. Тбилиси. «Динамо-Арена».