«Kazsport» Қазақстан-Әзірбайжан жолдастық матчын тікелей эфирде көрсетеді

Қос құрама арасындағы жолдастық кездесу Түркияның Анталия қаласында өтеді. Ертең футболдан Қазақстан Ұлттық құрамасы мен Әзірбайжан құрамасы арасындағы жолдастық кездесуді «Kazsport» телеарнасы сағат 21:00-де тікелей эфирде көрсетеді. Қазірге дейін Қазақстан мен Әзірбайжан футболшылары жасыл алаңда 6 рет кездескен. Әр құрама 2 реттен жеңіп, 2 рет тең ойнаған. Сондай-ақ, 2 рет жеңілген. Қазақстан футболшылары мен Әзірбайжан құрамасы ең алғаш 2004 жылы Алматыдағы «Орталық стадионда» жолдастық ойында жолығып, әзірбайжандық футболшылар 2:3 есебімен жеңіске жеткен. Ал, қазірше соңғы ойынын 2012 жылы Еуро-2012 іріктеу турнирі аясында ойнап, сол кезде де әзірбайжандықтар 3:2 есебімен жеңіске жеткен. Айта кетейік, Қазақстан Ұлттық құрамасы ФИФА рейтингінде 125 орында болса, Әзірбайжан құрамасы 112 орында келеді.