«Астана-Тұлпар» мен «Қайрат» футзал командалары Еременко Кубогының жартылай финалына шықты

Алматыдағы Балуан Шолақ спорт сарайында футзалдан «Еременко кубогы-2016» турнирі жалғасып жатыр. Қазақстандық екі команда турнирдің жартылай финалына шықты. «Астана-Тұлпар» клубы «А» тобында «Синараны» және «Никарсты» 5:3 есебімен ұтты. Ал, «Қайрат» «В» тобында «Тюменьді» 9:5, ал «Норильский никель» командасын 5:3 есебімен жеңді. Енді бүгін тағы екі жартылай финалист анықталады. «А» тобында «Синара» командасы «Никарспен» кездеседі. Бұл матчты «Kazsport» телеарнасы сағат 15:00-де тікелей эфирде көрсетеді. Ал, «В» тобындағы «Тюмень» – «Норильский никель» ойынының қайталануы түнгі 00:25-те көрсетіледі.