ЕУРО-2016. Бүгін «Қазақстан» Ұлттық телеарнасы Испания-Қазақстан матчын тікелей эфирде көрсетеді

Бүгін Сербия астанасы Белградта футзалдан Еуропа чемпионатының жартылай финалдары өтеді. Турнирдің бұл кезеңінде Қазақстан Ұлттық құрамасы да бақ сынайды. Еліміздің спортшылары жартылай финалда Еуропаның 6 дүркін чемпионы Испания командасымен ойнайды. Бұл матчты «Қазақстан» Ұлттық телеарнасы бүгін сағат 01:50-де тікелей эфирде көрсетеді. Сонымен қатар, осы күні Сербия мен Ресей құрамаларының арасындағы екінші жартылай финалдық матч та өтпек. Бұл ойынның тікелей көрсетілімін «Қазақстан» Ұлттық арнасының көрермендері Астана уақытымен сағат 23:20-дан бастап тамашалай алады.