Достастық Кубогы. Қазақстан жастар құрамасы Қырғыз Республикасының футболшыларымен тең ойнады

Қазақстан жастар құрамасына өз тобында екінші орын алып, қола жүлдеге таласу үшін Қырғыз құрамасын екі доп айырмасымен ұту керек еді. Алғашқы минуттан бастап ойын басымдығын қолға алған біздің футболшылар есеп ашты. Гол авторы - Антон Куксин. Екінші таймда екінші ескерту алған Мирас Төлиев алаңнан қуылды. Ал, төреші белгілеген пенальтиден қырғыз футболшысы мүлт кетпеді. Ойыншылар санының аз болғанына қарамастан, біздің футболшылар алға шықты. Мергендік танытқан Еркебұлан Тұңғышбаев болатын. Алайда, ойынның соңғы минутында Қырғыз құрамасы есепті теңестіріп кетті. Бұл ойында Қазақстан құрамасы сапында Еркебұлан Тұңғышбаев үздік ойыншы атанды. Қазақстан жастар құрамасы өз тобында соңғы орын алып, 23 қаңтар күні 7-8 орын үшін Тәжікстан құрамасымен ойнайды. Қырғызстан – Қазақстан 2:2 (0:1)