Елордалық жанкүйерлер «Галатасарай»-«Астана» матчын «Қазмедиа орталығында» тамашалай алады

8 желтоқсаннан 9-ына қараған түні елордадағы «Қазмедиа орталығы» киноконцерт залында «Астана» президенттік кәсіби спорт клубы «Галатасарай»-«Астана» футбол клубтарының арасында УЕФА Чемпиондар Лигасының топтық кезеңінің қорытынды матчының тікелей көрсетілімін ұйымдастырады. Стамбұлда өтетін ойынды тамашалауға келушілер үшін орын саны шектеулі. Сондықтан, ұйымдастыраушылар жанкүйерлерден матчқа алдын ала келіп орын алуларын өтінеді. Зал сағат 00:30-дан бастап ашылады. Кіру тегін.