ФИФА футболдан Ресейде өтететін ӘЧ-2018 матчтарының басталатын уақытын жариялады

Халықаралық футбол федерациясы (ФИФА) 2018 жылы Ресейде өтетін футболдан Әлем чемпионатының басталатын уақытын бекітті. Турнирдің ашылуы 14 маусымда Мәскеу уақытымен сағат 18:00-де басталады. Чемпионаттың ең ерте басталатын ойыны 16 маусымда сағат 13:00-де өтеді. Және сәйкесінше сол күні мундиальдің ең кеш басталатын матчы өтеді (22:00). Қалған күндері кездесулер сағат 15.00-ден 21:00-ге дейінгі аралықта өтеді. Финал Мәскеудегі «Лужники» стадионында 15 шілдеде сағат 18:00-де басталады. Мундиальдің финалдық бөлігінде жеребе тарту Мәскеуде 2017 жылғы 1 желтоқсанда өтпек. Футболдан Әлем чемпионаты 2018 жылғы 14 маусымнан 15 шілдеге дейін Ресейдің 11 қаласындағы 12 стадионда: Мәскеу, Санкт-Петербург, Калининград, Қазан, Волгоград, Төменгі Новгород, Самара, Саранск, Екатеринбург, Дондағы Ростов және Сочи қалаларында ұйымдастырылады ҚазАқпарат