Футболдан 17 жасқа дейінгі Қазақстан жасөспірімдер құрамасының қарсыластары анықталды

Бүгін 17 жасқа дейінгі жасөспірімдер құрамаларының арасында 2017 жылғы Еуропа чемпионатының іріктеу турнирінің жеребесі тартылды. Қазақстан жасөспірімдер құрамасы Ирландия, Грекия және Андоррамен бір топқа түсті, деп жазады ҚФФ сайты. Айта кету керек, Грекия мен Қазақстан құрамалары биыл іріктеу кезеңінде бір топта ойнаған. Исландияда өткен матч грекиялық футболшылардың жеңісімен аяқталды. Іріктеу турнирінің ойындары 2016 жылдың 15-20 қазанында Андоррада өтеді.