Еуропа футбол қауымдастықтарының одағы (УЕФА) өз комитеттерінің жаңа құрамын бекітті

Қазақстан футбол федерациясының Бұқаралық футбол департаментінің директоры Асқар Әбілдаев УЕФА комитетінің жаңа мүшесі атанды. Ол УЕФА-ның футзал және жағажай футболы бойынша комитетінің құрамына кірді. Бұған дейін Қазақстан Кәсіпқой футбол лигасының президенті Олжас Абраев УЕФА-ның маркетинг бойынша комитетіне алдағы төрт жылға мүше болған еді. Еске сала кетейік, ҚФФ президенті Ерлан Қожағапанов УЕФА-ның ұлттық қауымдастықтар комитетінің мүшесі саналады. Ал, ҚФФ бас хатшысы Азамат Айтқожин УЕФА HatTrick комитетінің өкілі.