«Астана» командасы футболдан Қазақстанның екі дүркін чемпионы атанды

Бүгін, 8 қарашада, «Астана» футбол клубы өз алаңында «Ақтөбе» командасын 1:0 есебімен ұтып, Қазақстанның екі дүркін чемпионы атағын иеленді. Тартысты өткен кездесуде тек бір ғана гол салынды. Оның авторы – «Астана» шабуылшысы Жуниор Кабананга (85-ші минут). Осылайша елордалық «Астана» өткен маусымдағы атағын қорғап қалып, екі дүркін ел чемпионы атанды. Чемпионаттың күміс жүлдесін алматылық «Қайрат» ұтып алса, «Ақтөбе» қола медальға қол жеткізді.