Чемпиондар Лигасы. «Астана» - «Атлетико Мадрид» ойынына қазірге дейін 17 мың билет сатылған

3 қарашада елордалық «Астана» футбол клубы Чемпиондар лигасының топтық кезеңі аясында өз алаңында Испанияның «Атлетико» командасын қабылдайды. Билеттерді онлайн-режим арқылы сатып алып, жанкүйер бірегей QR-коды бар электрондық билет алады. Кейіннен бұл код бойынша үш сату орнының (Мега-орталық, «Қазақстан» СК, Конгресс-Холл) бірінен Чемпиондар лигасының ойынына билетті бастырып шығаруға болады. Қазіргі кезде 17 мыңнан астам билет сатылған. Қала әкімдігі жанкүйерлердің автобустармен жеткізілуін қамтамасыз етеді. Матч Астана ауақыты бойынша сағат 21:00-де басталады. Астана уақытымен сағат 18:00-де автобустар жанкүйерлерді мына мекенжайлардан алып кетеді: 1. «Қазақстан» СК. 2. Мұнайтпасов атындағы стадион. 3. «Нұр-Астана» мешіті. 4. Салтанат сарайы.