Латвия-Қазақстан матчына шотландиялық Стивен Маклин төрелік етеді

«Сконто» стадионында өтетін 2016 жылғы Еуропа чемпионатының іріктеу турниріндеге Латвия - Қазақстан матчына шотландиялық Стивен Маклин тағайындалды. 34 жастағы бас төреші 2010 жылдан бастап УЕФА аясында өткізілетін матчтарда жұмыс істеп келеді. Стивен Маклинге отандастары Грэм Стюарт пен Дэвид Макгичи көмектеседі. Төртінші төреші – Стюарт Стивенсон, қосымша төрешілер Кевин Клэнси және Дональд Робертсон. Латвия мен Қазақстан құрамалары арасындағы матч 14 қазан күні Астана уақыты бойынша 00:45-те Рига қаласында «Сконто» стадионында басталады. Ойынды «Қазақстан» Ұлттық телеарнасы тікелей эфирде көрсетеді.