Бүгін «Қазақстан» Ұлттық телеарнасы Латвия-Қазақстан матчын тікелей эфирде көрсетеді

Бүгін түнде Ригада Еуро-2016 турнирінің іріктеу кезеңінің соңғы Латвия-Қазақстан матчы өтеді. Ойынды «Қазақстан» Ұлттық телеарнасы Астана уақытымен сағат 00:30-да тікелей эфирде көрсетеді. Кездесудің бас төрешісі – шотландиялық Стивен Маклин тағайындалды. Оның көмекшілері – Грэм Стюарт мен Дэвид Макгичи. Айта кетейік, 2014 жылдың 9 қыркүйегінде Астанада өткен ойында командалар 0:0 есебімен тең тарқасқан еді. Латвия құрамасында 9 ойыннан кейін 5 ұпай болса, Қазақстан Ұлттық құрамасының қоржынында 2 ұпай бар.