Қайсар» футбол клубына жаңа спорт директор тағайындалды

Клуб басшылығы бұл қызметке қызылордалық маман Марат Сәрсеновті лайық көрді. Юрий Новиковтың қызметтен кетуінен кейін бұл орын бос тұрған еді. Марат Сәрсенов 1972 жылдың 12 сәуірінде дүниеге келген. Қызылорданың «Қайсарынан» бөлек, «Көкшетау», Ақмоланың «Целинник», «Цесна» және Атыраудың «Ақжайық» командаларында доп тепкен. Ойыншы карьерасын аяқтаған соң «Қайсар» клубының әкімшісі, өткен жылы дубльдік құрамда бас бапкердің көмекшісі, биыл футбол орталығында жеткіншектерді жаттықтырумен айналысқан.