«Астана» - «Галатасарай» ойынын тамашалауға 71 елдің жанкүйері қызығушылық танытқан

21 қыркүйекте Чемпиондар Лигасының «Астана» және «Галатасарай» футбол клубтарының ойынына билеттер онлайн сатылымға шыққаннан бастап, 71 елдің тұрғындарын аталған матч қызықтырған. Билеттерді сату бойынша интернет-ресурсқа кіргендердің басым бөлігі Ресей, Литва, Ұлыбритания, Түркия, Германия, Украина, Нидерланд азаматтары, деп хабарлады «Астана» спорттық клубының баспасөз қызметі. Айта кетейік, қазіргі уақытта билеттердің 90 пайыз сатылған. Кез келген жанкүйер билетті онлайн режімде немесе «Меломан» дүкені және «Астана-Арена» стадионының кассаларынан сатып ала алады.