Олжас Абраев Еуропа Лигасының матчына делегат болып тағайындалды

1 қазан күні Әзірбайжан астанасы Баку қаласындағы Тофик Бахрамов атындағы Республикалық стадионда Еуропа Лигасының топтық кезеңінің екінші турында әзірбайжандық «Қарабах» пен бельгиялық «Андерлехт» кездеседі. Бұл ойынға делегат ретінде Қазақстан футбол федерациясының вице-президенті Олжас Абраев тағайындалды, деп жазады ҚФФ. Айта кетейік, «Қарабах» клубы Еуропа Лигасының топтық кезеңіне алғаш рет қатысуда. Олар бірінші ойында лондондық «Тоттенхэм» клубына 1:3 есебімен ұтылды. Ал, бельгиялық команда алғашқы турда франциялық «Монако» клубымен тең ойнаған. Есеп - 1:1.