«Бенфика» - «Астана» матчы «Қазмедиа орталығының» киноконцерт залында көрсетілмек

Чемпиондар Лигасының топтық кезеңіндегі матч бүгін түнде, яғни 15-нен 16-қыркүйекке қараған түні сағат 00:45-те басталады. Ұйымдастырушылар матчты «Қазмедиа орталығының» киноконцерт залында көргісі келетіндер болса, ертерек келулерін сұрайды. Себебі, киноконцерт залының сыйымдылығы – 946 орын ғана. Ал, залға сыймай қалған көрермендер үшін «Қазмедиа орталығының» сыртындағы Лед экраннан да көрсетілмек. Трансляцияны Әнуар Нұрпейісов пен Абзал Ғарифуллаев жүргізеді. Еске сала кетейік, «Бенфика» - «Астана» матчы португалияның Лиссабон қаласында бүгін түнде Астана уақыты бойынша 00:45-те басталады.