Қазақстан құрамасы Таиландқа есе жіберді

Қазақстан әйелдер құрамасы волейболдан Азия чемпионатының үшінші матчында Таиланд құрамасымен кездесіп, 1:3 есебімен жеңілді (25:22, 25:16, 23:25, 25:11).
Қазақстан құрамасының топтық кезеңдегі нәтижелері:
Қазақстан 0:3 Индонезия
Қазақстан 3:0 Аустралия
Қазақстан 1:3 Таиланд
Екі матчта жеңілгеніне қарамастан, Қазақстан құрамасы ширек финалға шығу мүмкіндігін сақтап қалды. Алайда енді көп нәрсе басқа командалардың нәтижесіне байланысты.
Бүгін өтетін Индонезия – Аустралия матчының нәтижесі маңызды рөл атқарады. Индонезия жеңіске жеткен жағдайда, Қазақстан құрамасы топта үшінші орын алады.
Айта кетейік, плей-офф кезеңіне әр топтан үздік екі командамен қатар, үшінші орын алған командалардың арасынан үздік екі ұжым да жолдама алады.