Муай-тай жұлдыздары Астанада шеберлік сағатын өткізді

Астанада муай-тайдан әлемге танымал спортшылардың қатысуымен шеберлік сағаты өтті.
Елордаға тай боксының аңыздары Буакав Бенчамек, Нуэнгланлек Джитмуангнон және Мэри Руумет келіп, отандық спортшылар мен бапкерлерге өз тәжірибесімен бөлісті.
Шараға еліміздің барлық өңірінен муай-тай шеберлері жиналды. Спортшылар атақты чемпиондардан тәжірибе алып, сұрақтарына жауап алды.
Ұйымдастырушылар мұндай шеберлік сағаттарын алдағы уақытта Қазақстанның өзге өңірлерінде де өткізуді жоспарлап отыр.