Ақмарал Ерекешева көркем гимнастикадан әлем чемпионатының финалына шықты

Германияның Франкфурт-на-Майн қаласында өтіп жатқан көркем гимнастикадан әлем чемпионатында іріктеу кезеңі аяқталды.
Қазақстандық гимнаст Ақмарал Ерекешева көпсайыста 84,200 ұпай жинап, 8-орынмен финалға өтті. Ұршықтармен жаттығуда 29,000, ал таспамен орындалатын бағдарламада 28,350 ұпай алып, екі сында да іріктеуді 4-орынмен аяқтады.
Ал Айбота Ертайқызы көпсайыста 24-орынға тұрақтады. Жекелей жаттығу түрлерінде Айбота шығыршықпен орындалатын жаттығуда 10-орын, доппен 33-орын, ұршықтармен 15-орын және таспамен 32-орын алды.
Айта кетейік, әлем чемпионатының финалдық жарыстары 14 тамызда басталады.