Әлемдегі ең ерекше стадион Сауд Арабиясында бой көтереді

Сауд Арабиясы 2034 жылғы футболдан әлем чемпионатына арнап NEOM Stadium жобасын жүзеге асыруда.

Бұл арена The Line мегажобасының құрамында салынып, жерден 350 метр биіктікте орналасады.

Стадион 46 мыңнан астам көрерменге арналған және 2034 жылғы әлем чемпионатының топтық кезеңі мен ширек финал матчтарын қабылдайды

Жоба толықтай жаңартылатын энергия көздерімен жұмыс істеуге бағытталған. Сондай-ақ, аренаның табиғи жарық пен желдету жүйесі заманауи технологиялар арқылы қамтамасыз етіледі.

NEOM Stadium — Сауд Арабиясының 2034 жылғы әлем чемпионатына дайындап жатқан 15 стадионының бірі. Турнирдің ашылу және финал матчтары Эр-Риядтағы King Salman International Stadium аренасында өтеді.