Түркістанда алғаш рет 20 жасқа дейінгі ұлдар мен қыздар арасында ауыр атлетикадан Қазақстан чемпионаты өтуде

Ашылу салтанатына Қазақстан ауыр атлетика федерациясының бірінші вице-президенті, Бас хатшысы Мадина Астамирова мен Түркістан облыстық ауыр атлетика федерациясының президенті Алмасхан Жамбаев қатысты.
Мадина Астамирова жас спортшыларға сәттілік тілеп, қазақстандық ауыр атлетиканың жаңа бағытта қарқынды дамып келе жатқанын атап өтті. Сондай-ақ, ел чемпионатын жоғары деңгейде ұйымдастырғаны үшін жергілікті федерацияға алғыс білдірді.
Ел біріншілігінде Қазақстанның 14 өңірінен келген 300-ге жуық жас зілтемірші бақ сынауда.