Шерзод Давлатов дзюдодан Еуропа кубогының жеңімпазы атанды

Чехияның Прага қаласында өтіп жатқан дзюдодан Еуропа кубогында қазақстандық спортшылар жүлдегерлер қатарынан көрінді.
60 келіге дейінгі салмақ дәрежесінің финалында Шерзод Давлатов франциялық Ян Мотоли Бонгамбемен белдесіп, қарсыласын мерзімінен бұрын жеңіп, алтын медаль иеленді.
Осы салмақта Нұраділ Әлжан қола жүлде үшін өткен белдесуде отандасы Сұңғат Нұрлатұлынан басым түсті.
Ал әйелдер арасында 78 келіден жоғары салмақта Карина Такиева қола жүлде үшін күресуге мүмкіндік алғанымен, шешуші белдесуде португалиялық Рошели Нунеске есе жіберді.
Айта кетейік, Прагадағы Еуропа кубогы 28 маусымда мәресіне жетеді.