Астанада бесінші рет Astana Half Marathon өтті

Марафонға әлемнің 30-дан астам елінен 7 мыңға жуық адам қатысты.

Биылғы жарысқа шетелдік қатысушылар да белсенді қатысты. Ресей, Өзбекстан, АҚШ, Қытай, Қырғызстан және Еуропаның бірқатар елдерінен келген желаяқтар рекорд орнатты.

Мәселен 21 шақырымдық қашықтықтың жеңімпазы өзбекстандық Андрей Петров атанды. Ол мәреге 1 сағат 4 минутта жетіп, жарыстың үздік нәтижесін көрсетті.

Astana Half Marathon аясында қатысушылар 21 шақырымдық жартылай марафонмен қатар 10 шақырымдық жүгіру, скандинавиялық жүріс және командалық эстафетада да бақ сынады. Мәреге жеткен барлық қатысушыға естелік медаль табысталды.