Нұрасыл Аманалы Моңғолиядағы турнирде күміс медальға ие болды

Моңғолияның Ұлан-Батыр қаласында өтіп жатқан грек-рим күресінен рейтингтік турнирде қазақстандық балуан күміс жүлдегер атанды.

97 келідегі отандасымыз финалға дейін жетті. Финалда ол үндістандық Нитешпен күресті. Тартысты кездесуде 13:9 есебімен жеңіліп, турнирдің күміс жүлдегері атанды.

Ал 72 келіде Сұлтан Әсетұлы қола жүлде үшін қырғызстандық Жанторо Мирзалиевтен жеңілді.