Түркістанда байдарка мен каноэде ескек есуден параканоэден VI Азия чемпионаты өтеді

Түркістан қаласында 4-7 маусым аралығында байдарка мен каноэде ескек есуден U18 бен U23 жас санатында және параканоэден VI Азия чемпионаты өтеді.

Ескекшілер сайысы жаңадан ашылған «Ескек есу» арнасында өтеді. Орта Азияда теңдесі жоқ бұл спорт кешені ICF (Халықаралық байдарка және каноэ федерациясы) және FISA (Халықаралық академиялық есу федерациясы) стандарттарына толық сай келеді, әрі бірнеше бағытта қызмет атқарады. Арнаның ұзындығы - 2222 метр.

Жарыс барысында байдарка мен каноэден U18 жас санатында 22 дисциплинада, U23-те 25 дисциплинада, ал параканоэден 20 бағдарламада жүлде сарапқа салынады.