Эльдар Бірімбай мен Назым Махмутова таеквондодан Азия чемпионатында қола жүлдегер атанды

Ұлан-Батырда өтіп жатқан таеквондодан Азия чемпионатының екінші жарыс күнінде жартылай финалдық кездесулер аяқталды.

Нәтижесінде Қазақстан құрамасының қоржынына тағы екі қола медаль түсті.

Ерлер арасында 74 келіге дейінгі салмақта Эльдар Бірімбай ирандық Амир Сина Бахтияриге 1:2 есебімен есе жіберді.

Ал әйелдер арасында 73 келіге дейінгі салмақта Назым Махмутова жартылай финалда қытайлық Сун Цзеге 1:2 есебімен жеңілді.

Осылайша, екі спортшы да жарысты қола жүлдемен аяқтады.

Қазіргі уақытта Қазақстан құрамасының еншісінде үш қола медаль бар.