Әсем Орынбай стенд атудан Алматыдағы Әлем кубогы кезеңінде алтын медаль жеңіп алды

Қазақстандық спортшы әйелдер арасындағы «скит» жаттығуында топ жарды.

Шешуші кезеңде Әсем 33 ұпай жинап, биыл командаласы Адель Садақбаева орнатқан әлем рекордын қайталады.

Күміс жүлде 30 ұпай жинаған қытайлық Итин Цзянға бұйырса, италиялық Мартина Бартоломей (27 ұпай) үздік үштікті түйіндеді.

Айта кетейік, Әлем кубогы кезеңі 4 мамырда басталды. Дүбірлі дода Александр Асанов атындағы ату клубында өтіп жатыр және 11 мамырға дейін жалғасады.