Виктор Друзин әртістік жүзуден Әлем кубогы кезеңінде қола жүлде иеленді

Қытайдың Сиань қаласында әртістік жүзуден Әлем кубогының кезеңі өтіп жатыр.

Жарыстың алғашқы күнінде Виктор Друзин Қазақстан құрамасының қоржынына қола медаль салды.

Отандасымыз техникалық соло бағдарламасында 232.5350 ұпай жинап, үшінші орынға тұрақтады. Ал осы бағдарламада Алдияр Рамазанов жүлдеге сәл ғана жетпей, төртінші орын алды. Алтын медальді Ұлыбритания спортшысы Ранджуо Томблин еншіледі - 245.6850 ұпай. Күміс жүлде қытайлық Муе Гоға бұйырды - 245.2684.

Айта кетейік, жарыс 3 мамырға дейін жалғасады.