Батыр Теңізбай жағажайдағы Азия ойындарында Қазақстан қоржынына алғашқы медальді салды

Қытайдың Санья қаласында 2026 жылғы жағажайдағы Азия ойындары өтіп жатыр.

Батыр Теңізбай джиу-джитсудан қола медаль иеленді.

Қазақстандық спортшы 62 келіге дейінгі салмақта қола жүлде үшін өткен бәсекеде отандасы Мансұр Хабибулламен кездесті.

Нәтижесінде Батыр Теңізбай жеңіске жетіп, үшінші орынға ие болды.
Турнир барысында Батыр Теңізбай алғашқы айналымда Моңғолия спортшысын айқын басымдықпен жеңіп, ширек финалға жолдама алды. Ширек финалда Тайланд өкілінен айласын асырған отандасымыз жартылай финалда Біріккен Араб Әмірліктерінің балуанына жол берді. Осы жеңілістен кейін Батыр жұбаныш белдесуінде жинақылық танытып, қола жүлде үшін өткен қазақстандық дербиде 2:0 есебімен басым түсті.