Аруна Жангельдина дзюдодан Азия чемпионатының қола жүлдегері атанды

Қазақстан құрамасының дзюдошысы Қытайдың Ордос қаласында өтіп жатқан Азия чемпионатында қола медаль жеңіп алды.

78 келіге дейінгі салмақ дәрежесінде өнер көрсететін қазақстандық спортшы үшінші орын үшін өткен белдесуде Тайбэй өкілі Ван Цзесимен кездесті. Негізгі уақыт ұпайсыз аяқталды. Кейін қарсыласы үшінші ескерту (шідо) алып, осының нәтижесінде Аруна Жангельдина жеңімпаз атанды.

Осылайша, Аруна Жангельдина Қазақстан құрамасына Азия чемпионатындағы бесінші медальді сыйлады.

Бұған дейін Әділет Алмат (81 кг) алтын медаль жеңіп алған. Ал Эсмигүл Куюлова (63 кг), Абылайхан Жұбаназар (81 кг) және Айдар Арапов (90 кг) қола жүлдегер атанған болатын.

Азия чемпионаты 16–19 сәуір аралығында Ордос қаласында өтіп жатыр.

Посмотреть эту публикацию в Instagram

Публикация от 𝑯𝑶𝑴𝑬 𝑶𝑭 𝑸𝑨𝒁𝑨𝑸𝑺𝑻𝑨𝑵 𝑺𝑷𝑶𝑹𝑻𝑺 (@qaz_team_official)