Қазақстандық команда UAE SWAT Challenge-2026 халықаралық жарысында жеңімпаз атанды

Дубайда өткен терроризмге қарсы бөлімшелер арасындағы халықаралық жарысқа 48 елден 109 команда қатысқан.Оның ішінде Қазақстаннан «Kazakhstan A», «B», «C» «D»және әйелдер «Tomiris» командалары бақ сынады.

Нәтижесінде Kazakhstan C турнирдің абсолютті жеңімпазы атанса, Kazakhstan A жалпы есепте екінші орынға ие болды. Ал Kazakhstan B командасы Obstacle Course кезеңінде 1-орын алды.

Айта кетейік, Президент UAE SWAT Challenge-2026 халықаралық жарысында үздік нәтижеге қол жеткізген қазақстандық командаларды құттықтады. Сондай-ақ лайықты өнер көрсеткен арнайы жасақ жауынгерлеріне тиісті құрмет көрсетілетінін айтты.