«Челсидің» жаңа бас бапкері белгілі болды

Танымал журналист Фабрицио Романоның хабарлауынша, «Страсбург» клубының бас бапкері Лиам Росеньор жақын арада «Челсиді» тізгіндеуі мүмкін.

Лиам Росеньор қазірдің өзінде Ұлыбритания астанасында жүр. Алдағы 24 сағат ішінде онымен ресми кездесу өтеді.

Осыған байланысты франциялық «Страсбург» жаңа бас бапкер іздеуге кірісті. Романоның айтуынша, барлық құжаттық рәсімдер жылдам аяқталады, ал «Челси» жаңа кезеңге толық дайын.

📌 Еске салайық, 1 қаңтар күні лондондық клубтың басшылығы Энцо Маресканы бас бапкер қызметінен босатқан еді.