Бейбіт Жұқаев пен Новак Джокович бірге жаттығу өткізді

Теннисшілер Дубайда жаттығу жиынын өткізуде. Бұл қалада қазір жаңа маусымға дайындықтар қызу жүріп жатыр.

Бейбіт Жұқаев жаңа маусымға дайындық барысында аты аңызға айналған, 24 дүркін «Үлкен дулыға» турнирінің чемпионы Новак Джоковичпен бірге жаттығуда.

Жыл сайынғы Қазақстан теннис федерациясының оқу-жаттығу жиынына Жукаевпен қатар ұлттық құраманың өзге де өкілдері қатысуда: Юлия Путинцева, Александр Шевченко, Дмитрий Попко және Денис Евсеев.

Жаңа маусым келесі аптада Австралияда басталады. Ал жылдың алғашқы «Үлкен дулыға» турнирі Australian Open 18 қаңтарда жалауын көтереді.