Астанада Қазақстан бокс федерациясы Кубогының финалдық кезеңі өтеді

Елордада 13-14 желтоқсан аралығында Қазақстан бокс федерациясы Кубогының финалдық кезеңі өтеді.

Жүлде қоры 150 000 АҚШ долларын құрайтын жоба аймақтарда боксты дамытуға бағытталған.

Топтық кезеңнің қорытындысы бойынша шешуші сынға Астана, Шымкент қалаларының, сондай-ақ Қарағанды және Маңғыстау облыстарының командалары жолдама алды.

13 желтоқсанда ерлер мен әйелдер арасында жартылай финалдық жекпе-жектер өтеді (барлығы 15 салмақ дәрежесі). 14 желтоқсан күні үшінші және бірінші орындар үшін кездесулер жоспарланған.

 Турнир Qazaqstan жеңіл атлетика спорт кешенінде өтеді.