Беларусь құрамасының қорғаушысы «Арыстан» клубымен келісімшартқа отырды

Шайбалы хоккейден Беларусь құрамасының тәжірибелі қорғаушысы Виктор Костючёнок Теміртау қаласының «Арыстан» клубымен келісімшартқа отырды, деп хабарлайды Шайба.kz. Тәжірибелі қорғаушы Ванкувер Олимпиадасында Беларусь құрамасының намысын қорғаған. Ұлттық құраманың сапында сегіз Әлем чемпионатына қатысқан. Сонымен қатар, «Автомобилист», «Динамо» Минск, «Амур», «Спартак», «Лада», «Юность» клубтарында ойнаған.