Бүгін Қазақстан мен АҚШ кездеседі

Бүгін, 16 мамыр шайбалы хоккейден Қазақстан Ұлттық құрамасы Минскіде өтіп жатқан Әлем чемпионатында бесінші кездесуін өткізеді. Қазақстандық хоккейшілердің қарсыласы – АҚШ құрамасы. «Минск-Арена» мұзайдынында өтетін ойын Астана уақытымен 19:45-те басталады. «KAZsport» телеарнасы бұл матчты тікелей эфирде көрсетеді. Букмекерлер бұл ойында америкалық хоккейшілер жеңіске жетеді деген болжам жасап отыр. АҚШ соңғы ойында Латвия хоккейшілеріне есе жіберіп алды. Бұл жеңілістен кейін АҚШ құрамасының бас бапкері Питер Лавиолетт Қазақстанмен өтетін ойын аса маңызды екенін мәлімдеді. Екі рет жеңіске жетіп, екі рет жеңілген АҚШ құрамасы алты ұпаймен «В» тобында төртінші сатыда тұр. Ал төрт кездесуде жеңіске жете алмаған қазақстандық хоккейшілер 1 ұпаймен соңғы орынд