Хоккей. Қазақстан құрамасы Германия құрамасына есе жіберді

Хоккейден Минскіде өтіп жатқан Әлем чемпионаты аясында Қазақстан құрамасы Германия құрамасына есе жіберді. Ойынның негізгі уақыты 1-1 есебімен аяқталған болатын. Матчтың 11 минутында есепті қазақстандық құрама ашқан. Шайбаның авторы – Андрей Гаврилин. Артынша германиялық Маттиас Плахта есепті теңестірді. Бұдан кейін қос команда да негізгі уақыт аяқталғанша шайба соға алмады. Овертаймда да есеп өзгерген жоқ. Тек буллит сериясында Германиялық құрама басымдығын көрсете білді. Еске сала кетейік, Ұлттық құраманың келесі қарсыласы – Беларусь құрамасы болмақ.