«Сарыарқа» Братина кубогын жеңіп алды

Қарағандының «Сарыарқа» командасы Түменнің «Рубинін» төртінші рет ұтып, Братина кубогын жеңіп алды, деп хабарлайды Tengrinews.kz. «Сарыарқа» мен «Рубин» арасындағы алтыншы матч Қарағандыда өтті. Кеншілер клубы кездесуді өте жоғары қарқында бастап, үшінші минутта-ақ есеп ашты. Көп ұзамай, қонақтар таразы басын теңестірді. Алайда екінші кезеңнің аяғында «Сарыарқа» тағы бір шайба салды. Үшінші кезеңде есеп өзгерген жоқ. Соңғы минуттарда «Сарыарқа» кем құрамда ойнап, «Рубин» қақпашысын алтыншы ойыншыға алмастырып, қыспаққа алды. Бірақ Қарағанды клубы оның бәріне төтеп берді. Жеңісті есепті уыстарынан шығармай, Братина кубогын иеленді. Қарағандылық команда өткен жылы финалға шығып, кубоктан айырылып қалған еді.