«Барыс» есеп айырмасын қысқартты

Қазақстанның «Барыс» хоккей клубы Гагарин Кубогі аясындағы плей-оффтық кездесудің бесінші ойынында «Салават Юлаевтан» басым түсті. Астанада өткен матч 2:1 (1:1, 1:0, 0:0) есебімен, жергілікті команданың жеңісімен аяқталды. Кездесудің жетінші минутында Константин Руденко есеп ашқан болатын, бірақ сегіз минуттан кейін Вишневский есепті теңестірді. Ал ойынның 37-минутында Дастин Бойд екінші шайбаны қарсыластар қақпасына тура бағыттап, «Барысқа» жеңіс әкелді. Осы жеңісінің арқасында «Барыс» Уфаның «Салават Юлаев» командасымен арадағы ұпай айырмашылығын азайтты, сериядағы есеп 2:3-ке жетті. Келесі ойын 29 наурызда Уфада өтеді.