«Барыс» тағы да овертаймда жеңіске жетті

Астаналық «Барыс» құрлықтық хоккей лигасының плей-офф кезеңінің екінші матчында екатеринбургтік «Автомобилист» командасын ұтты. Бұл ойында негізгі уақыт 4:4 есебімен тең аяқталды. Бірінші кезеңде Михаил Рахманов айдын иелерін алға шығарды. Дегенмен Андре Дево таразы басын теңестірді. Екінші кезеңде Роман Старченконың екі шайбасына Артем Чернов мен Федор Малыхин жауап қайтарды. Үшінші кезеңде Майк Ландинның пасын Брэндон Боченски ұтымды пайдаланды. Ойынның аяқталуына төрт минут қалғанда қонақтар сапынан Дмитрий Мегалинский көзге түсті. Есеп 4:4. Овертаймда қорғаушы Майк Ландин «Барысқа» жеңіс сыйлады. Қорытынды есеп 5:4. Бұл ойыннан кейін Ари-Пекка Селин шәкірттері 2:0 есебімен алға шықты. Айта кетейік, серия төрт жеңіске дейін жалғасады. Үшінші ойын 11 наурызда Екатеринбург қаласында өтеді. Естеріңізге сала кетейік, бірінші ойында да «Барыс» овертаймда жеңіске жеткен еді. Матчта жеңіс шайбасын қорғаушы Роман Савченко салған.