Владимир Плющев Қысқы Универсиадада хоккейден Қазақстан құрамасына жетекшілік етпек

Өскемендік «Казцинк-Торпедо» клубының бас бапкері Владимир Плющев Италияда өтетін Қысқы Универсиадаға хоккейден Қазақстан құрамасын бастап барады. Универсиада Трентинода 10-21 желтоқсан аралығында өтеді. Қазақстан С квартетінде Канада, Украина, Жапония құрамаларымен шығады. «Бұл ұсыныс маусымның басында жасалған болатын. Кейін бұл мәселе Қазақстан федерациясының атқарушы комитетінде де қаралды», дейді Плющев. Ресей құрамасының бұрынғы бас бапкерінің айтуынша, қазір құрама Кореяға екі жолдастық матчқа аттанып кетті. «Команда оралған соң, команданы басқарған бапкермен ақылдасып, Италияда өтетін Универсиадаға дайындалатын боламыз», дейді ол.