КХЛ. «Динамо» Минск - «Барыс»: 2 : 5

Астананың «Барысы» Құрлықтық хоккей лигасы аясындағы кезекті ойынын Минскіде жергілікті «Динамомен» өткізді. Кездесудің бірінші кезеңінде «Минск-Аренаға» жиналған 8 мыңға жуық көрермен соғылған бір шайбыны ғана көре алды. Бесінші минутта Талғат Жайлауов есеп ашты. Екінші 20 минуттықтың басында айдын иелері таразы басын теңестіріп қана қоймай, екінші шайбыны соғып, алға шықты. Олег Горошко мен Алексей Ефименконың қанжығасы майланды. Дегенмен, Селинның шәкірттері үзіліске дейін Динамоның қақпасына 3 шайба соқты. Брэндон Боченский екі гол соқса, Роман Старченко бір рет мергендік танытты. Соңғы кезеңде Боченский нәтижені қорытындылап, «Барыс» 2:5 есебімен жеңіске жетті.