Данияр Елеусінов Олимпиада ойындарының жартылай финалына шықты

Бокстан 69 келіге дейінгі салмақ дәрежесінде өнер көрсететін Данияр Елеусінов венесуэлалық боксшы Габриэль Маэстремен кездесті. Нәтижесінде бокстан Қазақстан ұлттық құрамасының капитаны Олимпиада ойындарының жартылай финалына шықты. 25 жастағы жерлесіміз кездесудің алғашқы раундынан бастап тізгінді өз қолына алып, 3:0 (29-28, 29-28, 29-28) есебімен айқын жеңіске жетті. Енді Данияр Елеусінов франциялық Сиссоко Сулейман Диопқа қарсы жекпе-жек өткізеді.