Батутта секіруден қазақстандық Пирмамад Алиев Олимпиаданың финалына шыға алмады (ВИДЕО)

Бүгін Рио-де-Жанейрода батутта секіру жарысы өтуде. Бұл спорт түрінен Қазақстан намысын 19 жастағы Пирмамад Алиев қорғады. Алғашқы раундта 48,375 ұпай, ал екіншісінде 57,515 ұпай жинаған Пирмамад Алиев 12-орынды иеленді. Осылайша қазақстандық спортшы Олимпиада ойындарының финалына өте алмады. Айта кетсек, аталған жарыста Белорусь спортшысы Владислав Гончаров Олимпиада чемпионы атанса, екінші орынды қытайлық Донг Донг иеленді. Ал үздік үштікті тағы бір Қытай азаматы Гао Лей қорытындылады.  Естеріңізге сала кетейік, жеңіл атлетика жарыстарын «Kazsport» телеарнасы тікелей эфирде көрсетті.