Максим Раков Рио Олимпиадасының 1/8 финалында жеңіліп қалды

100 келіге дейінгі салмақ санатында өнер көрсететін қазақстандық дзюдошы Рио Олимпиадасының 1/8 финалында жеңіліп қалды. Екінші жекпе-жекте қазақстандықтың қарсыласы 2014 жылғы әлем чемпионы чех дзюдошысы Лукаш Крпалек болды. Жарыстың алғашқы кездесуінде Раков эстондық спортшы Григорий Минашкинмен белдескен еді. Айта кетсек, букмекерлер Максим Раковты Рио Олимпиадасының жеңісіне үміткерлер қатарына қоспаған болатын. Бұл салмақта басты фаворит жапон дзюдошысы Рюносукэ Хага болып саналады.